உலகம் செய்திகள்

இங்கிலாந்து உக்ரைனியர்களை கட்டுப்பாடின்றி உள்ளெடுக்காது!

பிரான்ஸில் அவர்களுக்காக தனி வீஸா ஏற்பு நிலையங்கள் திறப்பு பாஸ்போர்ட் பாரபட்சம் பாராமலே அகதிகளை ஏற்போம்!

ஜேர்மனி – உக்ரைன் போர் காரணமாக இது வரை சுமார் இருபது லட்சம் பேர் அகதிகளாக வெளியேறியுள்ளனர் என்று ஐ.நா.மதிப்பிட்டுள்ளது. அவர்களில் பலர் மேற்கு ஐரோப்பியா நோக்கி வந்து கொண்டிருக்கின்றனர். பிரான்ஸ் வழியாக இங்கிலாந்து செல்வதற்காக கலே பகுதியில் காத்திருந்த நூற்றுக்கணக்கான உக்ரைனியர்களை உள்ளே எடுக்க லண்டன் மறுத்துவிட்டது. வீஸாவுக்கான முறைப்படியானஆவணங்களைத் தயார் செய்துகொண்டுவருமாறு பிரிட்டிஷ் எல்லைக்காவல் பொலீஸார் அவர்களுக்கு அறிவித்துள்ளனர். உக்ரைனியர்கள் தங்கள் விண்ணப்பங்களைச் சமர்ப்பிப்பதற்காக பாரிஸில் உள்ள இங்கிலாந்து தூதரகம் இரண்டு விசேட வீஸா அலுவலகங்களைத் திறக்கவுள்ளதாக அறிவித்துள்ளது.எல்லையில்-பிரான்ஸின் கலே பகுதியில்வைத்து வீஸா விண்ணப்பங்களை ஏற்பது அங்கு பெரும் குழப்பங்களை ஏற்படுத்தும் என்பதால் நிலையங்கள் வேறு இரு இடங்களில் திறக்கப்படுகின்றன என்று பிரிட்டிஷ் அதிகாரிகள் தெரிவித்துள்ளனர்.

அதேசமயம், இங்கிலாந்து அகதிகள் மீது இரக்கம் கொண்டிருந்தாலும் அவர்களை யார் எவர் என்று பார்க்காமல் கண்டபடி உள்ளெடுக்காது என்று பிரதமர் பொறிஸ் ஜோன்சன் தெரிவித்திருக்கிறார். கடவுச்சீட்டு மற்றும் வழமையான பரிசோதனைகளின் பிறகே முறைப்படி அகதிகள் உள்வாங்கப்படுவர் என்பதே அவரது நிலைப்பாடு. பெரும் அவலங்களுடன் வருவோரை வீஸா விண்ணப்பிக்குமாறு கேட்பது மனிதாபிமானத்துக்குப் புறம்பானது என்று கண்டனங்கள் எழுந்துள்ளன.

பிரதமர் பொறிஸ் ஜோன்சன் அரசின் உக்ரைன் அகதிகள் தொடர்பான கொள்கைகள் கடும் விமர்சனங்களைச் சந்தித்துள்ளன. இதேவேளை, ஜேர்மனி உக்ரைனில் இருந்து வெளியேறி வருபவர்களை அவர்கள் எந்த நாட்டுக் குடிமக்கள் என்று பார்க்காமல் உள்ளே அனுமதிக்கும், பாஸ்போர்ட் பரிசோதனைகளில் பாகுபாடு இருக்காது என்று அந்நாட்டின் உள்துறை அமைச்சர் நான்சி ஃபேசர் (Nancy Faeser)தெரிவித்திருக்கிறார். “நாங்கள் உயிர்களைப் பாதுகாக்க விரும்புகின்றோம். அதற்குக் கடவுச்சீட்டு அவசியமல்ல” – என்று அவர் ஊடகங்களுக்குத் தெரிவித்திருக்கிறார். இது வரை முப்பதாயிரத்துக்கு மேற்பட்ட அகதிகள் ஜேர்மனி வந்தடைந்துள்ளனர்.

செய்தி ஆசிரியர் மூத்த ஊடகர் குமாரதாசன் பாரிஸ்.

Related posts

கொல்லப்பட்டால் பாகிஸ்தான் மக்கள் நீதி கேட்டு போராட வேண்டும் – முன்னாள் பிரதமர் இம்ரான் கான்

namathufm

தொலைத்தொடர்பு கோபுரங்களை இயக்குவதற்கு தேவையான டீசலை வழங்க நடவடிக்கை

Thanksha Kunarasa

துருக்கிப் பேச்சு முன்னேற்றம்! ரஷ்யா போரை நிறுத்தினால் உக்ரைன் நடுநிலை பேணும்!

namathufm

Leave a Comment