உலகம் செய்திகள்

சர்வதேச அரசியலில் சிக்கும் மதுபானம்……..!

உலகின் பல நாடுகளில் “வோட்கா” புறக்கணிப்பு!ரஷ்யாவுக்கு எதிரான போர்க் கூட்டணிஒன்றை உருவாக்க நாடுகள் முயன்று வருகின்ற நிலையில் ரஷ்யாவுக்கு எதிரான உலக அரசியலில் அந்நாட்டின் பிர பலம்மிக்க வோட்கா (vodka) மது சிக்கியுள்ளது.பல நாடுகளில் வோட்கா மதுப் புறக்கணிப்புப் போராட்டங்கள் தொடங்கியுள்ளன. டென்மார்க்கின் பிரபல சுப்பமார்க்கெட் சந்தைகள் வோட்கா உட்பட ரஷ்யத் தயாரிப்புகளைத் தங்கள் கடைகளில் இருந்து அப்புறப்படுத்தி உள்ளன.உக்ரைன் மீதான ரஷ்ய ஆக்கிரமிப்புக்கு எதிர்ப்புத் தெரிவிப்பதற்காக வோட்கா மதுவை வீதிகளில் கொட்டியும் போத்தல்களை உடைத்தும் ஆர்ப்பாட்டங்கள் நடைபெற்றிருப்பது பற்றிய செய்திகள் வெளியாகியுள்ளன.

அமெரிக்கா, கனடா நாடுகளில் புடின் எதிர்ப்பாளர்கள் வோட்கா மது வகைகளை அகற்றுமாறு மது அருந்தகங்களிடம் பொது வேண்டு கோள்களை விடுத்திருக்கின்றனர். Russian Standard, Russian Standard Gold, Siberian brand Husky Vodka, the traditional Polugar Classic Rye Vodka,Ustianochka, Beluga Noble Russian Vodka போன்ற பிரபல ரகங்கள் புறக்கணிப்பை எதிர் நோக்கியுள்ளன.அமெரிக்காவின் நியூ ஹாம்ப்ஷயர் (New Hampshire) ஆளுநர் ரஷ்ய வோட்காவுக்கான தடை உத்தரவு ஒன்றையும் விடுத்திருக்கிறார்.

அதேசமயம் உக்ரைன் நாட்டில் வடிக்கப்படுகின்ற வோட்கா (Khor vodka) வகைகளுக்கு மதுப்பிரியர்கள் தங்கள் பேராதரவைத் தெரிவிக்கும் வகையில் பெரும் எடுப்பில் அவற்றைக் கொள்வனவு செய்கின்றனர் என்று கூறப்படுகிறது. முதலில் 14 ஆம் நூற்றாண்டில் ரஷ்யாவில் அறிமுகமானது என்று சொல்லப்படுகின்ற “வோட்கா” சுமா‌ர் 40 வீதத்துக்கும் அதிகமான மதுசாரம் அடங்கிய பழம் பெரும் வடிசாராயம் ஆகும். பிரான்ஸில் சமீபத்திய தரவுகள் வோட்காவை அதிகம் பெண்களே விரும்பி அருந்துகின்றனர் என்ற தகவலை வெளியிட்டுள்ளது.

Related posts

தமிழகம் வரும் இலங்கைத் தமிழர்களுக்கு விடிவு காலம்: தமிழக முதலமைச்சர்!

Thanksha Kunarasa

இலங்கையில் பலரின் கவனத்தை ஈர்த்த உக்ரைனிய பெண்

Thanksha Kunarasa

நாட்டின் நிதி அமைச்சர் நானே! – அலி சப்ரி

Thanksha Kunarasa

Leave a Comment