இலங்கை

பிச்சைக்காரரின் பையில் 4 இலட்சம் ரூபா !

மாத்தறை – ஹக்மன பிரதேசத்தில் வசித்து வந்த யாசகர் ஒருவர் திடீரென உயிரிழந்துள்ளதுடன் அவரது கால்சட்டை பொக்கெட்டில் இருந்து சுமார் 4 இலட்சம் ரூபாக்களை பொலிஸார் கண்டெடுத்துள்ளனர். ஹக்மன கொங்கல கிழக்கைச் சேர்ந்த 69 வயதான ஈ.எஸ்.விமலதாச என்பவர் கடந்த 10ஆம் திகதி தான் தங்கியிருந்த வீட்டிற்கு அருகிலுள்ள மலையிலிருந்து தவறி விழுந்து உயிரிழந்துள்ளார். அவர் திருமணமாகாதவர் என்பதுடன் பாடல் பாடி யாசகம் பெற்று வந்தார். உயிரிழந்தவர் அணிந்திருந்த காற்சட்டையில் உள்ளும் வெளியிலும் பொக்கட்டுக்கள் தைக்கப்பட்டிருந்ததுடன் இதில் இருந்து 384,867.00 ரூபா பணம் காணப்பட்டதாக ஹக்மன பொலிஸார் தெரிவித்தனர்.

பிரதேசத்தில் உயிரிழந்தவரின் உறவினர்கள் எவரும் இல்லை எனவும் ஹக்மன பிரதேசத்தில் யாசகம் பெற்று பிழைப்பு நடத்தி வந்தவர் எனவும் விசாரணைகளில் தெரியவந்துள்ளது. மேலும் இறந்தவரின் உடல் கண்டெடுக்கப்பட்ட இடத்திற்கு அருகில் அவர் தங்கியிருந்த சிறிய வீட்டை அதிகாரிகள் சோதனையிட்டனர், அங்கிருந்த கறுப்பு நிறத்தில் இருந்த கால்சட்டைகளை பரிசோதித்த போது பல இரகசிய பொக்கெட்டுகளில் ஏராளமான பணம் இருந்தது. அதில் ரூ. 500, ரூ .5,000, ரூ 15000 . என வைக்கப்பட்டிருந்த பணத் தொகைகளும் எடுக்கப்பட்டுள்ளது.

Related posts

இலங்கையில் எரிவாயு விநியோகம் நிறுத்தம்.

Thanksha Kunarasa

6 கட்சிகள் எமக்கெதிராக ஒன்றுகூடுகின்றார்கள் என்றால் நாங்கள் #வளர்ந்துவிட்டோம் என்றுதானே அர்த்தம் ! கனகரட்ணம் சுகாஷ்.

namathufm

அடுத்தவாரம் புதிய அமைச்சரவை

Thanksha Kunarasa

Leave a Comment